१४ साउन, विराटनगर ।
रोटरी क्लव अफ विराटनगर सेन्ट्रलले विराटनगरको गोग्राह विद्यालयमा अध्ययनरत आवासीय छात्र छात्रालाई खाद्यान्न सहयोग गरेको छ । उक्त क्लबले सीबीआसँगको सहकार्यमा बुधबार आवासीय छात्र छात्राहरुलाई २ महिनाको रासन उपलब्ध गराएको हो ।
कार्यक्रममा सीबीआरले बालबालिका र अभिभावकहरुलाई कपडा पनि वितरण गरेको थियो । क्लवले यसअघि पनि विभिन्न सहयोगका कार्यक्रम गर्दै आएको रोटरी क्लव अफ विराटनगर सेन्ट्रलकी अध्यक्ष मुन थपलियाले बताइन् । उनले यो कार्यक्रमलाई अझ अगाडि बढाउने बताइन् ।
सो क्लबले प्रत्येक महिना विभिन्न किसिमका सामाजिक कार्यहरु गर्दै आएको छ । क्लवले अघिल्लो महिना स्नात्तकोत्तर क्याम्पस विराटनगरमा ५ सय गाछी विरुवा प्रदान गरेको थियो । रोटरी क्लव अफविराटनगर सेन्ट्रलमा महिलाहरु मात्रै सदस्य रहेका छन् । क्लवले सामाजिक सेवाको काम गर्दै आएको छ ।
