१७ साउन, काठमाडौं ।
सरकारले अर्थ सचिवको जिम्मेवारी मधुकुमार मरासिनीलाई दिएको छ । यसअघि महालेखा नियन्त्रक रहेका मरासिनीलाई सरकारले अर्थमा सरुवा गरेको हो ।
अर्थसचिव शिशिर कुमार ढुंगानालाई प्रधामन्त्री तथा मन्त्रिपरिषदको कार्यालयमा तानिएको छ । मरासिनी अर्थ मन्त्रालयका क्याडर हुन् । उनी वैदेशिक सहायता सम्बन्धी विज्ञ समेत हुन् । सचिव बढुवा हुनुअघि मरासिनी लुम्बिनीमा थिए । उनी लुम्बिनी प्रदेश सरकारको प्रमुख सचिव पनि थिए ।
मरासिनीले आफ्नो करिअरको लामो समय अर्थमन्त्रालयमा नै रहेर काम गरेका छन् । उनले अर्थमन्त्रालयको अन्तर्राष्ट्रिय तथा समन्वय महाशाखाको प्रमुख भएर काम गरेका उनीसँग अमेरिकास्थित विश्व बैंकको नेपाल डेस्क प्रमुखको पनि अनुभव छ ।
शुक्रबार बसेको मन्त्रिपरिषदको निर्णयले मरासिनीलगायतका तीन सचिवको जिम्मेवारी हेरफेर गरेको हो ।
