१७ साउन, काठमाडौँ ।
हेलम्बु गाउँपालिकाका अध्यक्ष निमा ग्याल्जेन शेर्पाले मेलम्चीको वरिपरीको बस्तीलाई सार्नुभन्दा अर्को विकल्प भएको बताएका छन् ।
शनिबार राति मेलम्चीमा गएको बाढी र पहिरोको उद्गमस्थलको हेलिकप्टरबाट अनुगमन गरेपछि अध्यक्ष शेर्पालगायतले गृहमन्त्री बालकृष्ण खाँणलाई बस्ती सार्नुको विकल्प नभएको बताएका हुन् ।
अवलोकनपछि शेर्पाले भने, ‘मेलम्चीको मुहानभन्दा तल चौरमा माथिबाट बगेर आएको ढुंगा, माटो र बालुवा थुप्रिएको छ । सानो पानी पर्दा त्यो कटान भएर बगिरहेको हो ।हामीसँग मेलम्चीको वरिपरीको बस्तीलाई सार्नुभन्दा अर्को विकल्प छैन । प्रमुख जिल्ला अधिकारी र गृहमन्त्रीलाई पनि यसबारे जानकारी गराइसकेका छौं ।’
उनले मेलम्चीको पानीले उक्त चौरमा करिब २ सय मिटर उचाइका ढिस्का तयार पारेको र ती पनि बग्ने क्रममा रहेका बताए । शेर्पाले तत्कालका लागि मेलम्ची नदी किनारका बस्ती सार्ने तयारी भइरहेको जानकारी दिए ।
