१८ साउन, काठमाडौं ।
अखिल नेपाल फुटबल संघ (एन्फा)का प्रवक्ता किरण राईले पदबाट राजिनामा दिएका छन् । पछिल्लो समय एन्फाभित्र पदाधिकारी र प्रशिक्षकबीचको विवाद तातिएको बेला प्रवक्ता राईले पनि राजिनामा दिएका हुन् ।
उनले एन्फा कम्प्लेक्स सातदोबाटोमा आज अध्यक्ष कर्मा छिरिङ्ग शेर्पालाई राजिनामा बुझाएका हुन् । राईले आफ्नो राजिनामा सम्बन्धमा प्रष्ट्याउन अपरान्ह तीन बजे पत्रकार सम्मेलनको आयोजना गरेका छन् । २०७५ साल बैशाख २४ गते उनलाई एन्फाले प्रवक्ताको जिम्मेवारी दिएको थियो ।
उनी एन्फाको केन्द्रिय सदस्य भने रहीरहने जनाइएको छ ।
