१८ साउन, काठमाडौं ।
गृहमन्त्री बालकृष्ण खाँडले महाकाली नदीमा तुइन विस्थापित गरेर झोलुंगे पुल निर्माण थालनी सुरु भइसकेको बताएका छन् । सोमबार राष्ट्रियसभाको बैठकमा बोल्दै गृहमन्त्री खाँडले तुइन तर्ने क्रममा दार्चुलाको व्यास गाउँपालिका २ का ३३ वर्षका जयसिंह धामी महाकाली नदीमा खसेको घटनाप्रति सरकार गम्भीर रहेको बताउदै सो ठाउँमा तुइन विस्थापित गरि झोलुंगे पुल निर्माण थालिएको जानकारी दिएका हुन ।
घटनाको विषयमा छानविन गर्न गृह मन्त्रालयले सहसचिवको नेतृत्वमा टोली बनाएको छ, सो टोली आज धनगढी पुगिसकेको छ मन्त्री खाँडले भने । दार्चुलामा महाकाली नदी तर्ने क्रममा भारतीय सीमा सुरक्षा बल (एसएसबी)ले तुइन खोलिदिँदा धामी महाकाली नदीमा बेपत्ता भएका थिए। भारतीय पक्षले एसएसबीको घटनामा कुनै संलग्नता नरहेको भन्दै लिखित पत्र पठाएको छ।
