१८ साउन, झापा ।
बिर्तामोड नगरपालिका–३ भद्रपुर सडक खण्डको आँखा अस्पताल अगाडीबाट लागूऔषध ब्राउन सुगर सहित २ जनालाई प्रहरीले पक्राउ गरेकाे छ । पक्राउ पर्नेमा झापा हल्दिबारी गाऊपालिका–१ बस्ने २० बर्षीय सुवास न्यौपाने र बिर्तामोड नगरपालिका-१० ईलामेली टोल का २४ बर्षीय समिर राई रहेका छन् ।
आज दिउँसो १ बजे लागूऔषध नियन्त्रण ब्यूरो काँकडभिट्टा र ईलाका प्रहरी कार्यालय अनारमनी झापाबाट खटिएको प्रहरी टोलीले मे८प ७३९२ नम्बरको मोटरसाईकल चढी आएका न्यौपानेको साथबाट लागूऔषध ब्राउन सुगर १२ ग्राम बरामद गरेकाे हाे । मोटरसाईकल पछाडी सवार राई समेतलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय झापाले जनाएकाे छ ।
