१९ साउन, काठमाडौं ।
नेपाल क्रिकेट संघ (क्यान)का अध्यक्ष चतुरबहादुर चन्दले पूर्व कप्तान पारस खड्का अन्तर्राष्ट्रिय क्रिकेटबाट लिएकाे संन्यास अप्रत्यासित भएको बताएका छन् । उनले यसबारे क्रिकेट संघको औपचारिक धारणा आउने बताएका छन् ।
पारसको संन्यासबारे चन्दले भने, ‘कप्तानबाट राजीनामा दिए जस्तै अप्रत्यासित भयो ।’ पारसले मंगलबार बिहान अन्तर्राष्ट्रिय क्रिकेटबाट संन्यासको घोषणा गरेका छन् । अध्यक्ष चन्दका अनुसार मंगलबार बिहान करीब साढे ७ बजेतिर पारसले इमेल गरेर संन्यास लिन लागेको जानकारी गराएका थिए ।
नेपाली राष्ट्रिय टोली आईसीसी विश्व क्रिकेट लिग टूका लागि मंगलबार बन्द प्रशिक्षण शुरु गर्ने तयारी थियो ।
