२५ साउन, काठमाडौँ ।
नेकपा एमालेको स्थायी समिति बैठकले विधान संशोधन प्रस्ताव पारित गरेको छ । आगामी भदौ २७ र २८ गते बोलाइएको विधान महाधिवेशनलाई लक्षित गर्दै आज बसेको स्थायी समितिको बैठकले विधान संशोधन प्रस्ताव पारित गरेको हो ।
उक्त संशोधन प्रस्ताव अब केन्द्रीय कमिटी बैठकमा लगिने उपाध्यक्ष वामदेव गौतम बताए । अध्यक्ष केपी ओलीले राजनीति प्रतिवेदन र महासचिव ईश्वर पोखरेलले सांगठनिक प्रस्तावपनि पेश गरेर त्यसलाई एकरुपता दिइएको छ ।
एमालेको यसअघिको स्थायी समिति बैठकले आगामी भदौ २७ र २८ गतेका लागि विधान महाधिवेशन बोलाउने निर्णय गरिसकेको छ । आजै केहीबेरमा केन्द्रीय कमिटीको बैठक पनि बस्ने तयारी गरेको छ ।
माधव नेपाल पक्षका नेताहरुले भने अध्यक्ष ओली पक्षलाई अधिवेशन सम्बन्धी गतिविधि रोक्न चेतावनी दिँदै आएका छन् । तर, ओली पक्षले निरन्तर पार्टीको काम अघि बढाउँदै लगेको छ ।
