२५ साउन, काठमाडौँ ।
वेस्टइन्डिजका स्टार अलराउन्डर कार्लोस ब्रेथवेट र पाकिस्तानका अनुभवी ब्याट्सम्यान शोएब मलिकले आगमी संस्करणको एभरेष्ट प्रिमियर लिग(इपिएल) खेल्ने भएका छन् । आयोजकले सोमबार एक पत्रकार सम्मेलन गर्दै आगामी असोज ९ देखि टियु मैदानमा सुरु हुने प्रतियोगितामा विश्वकप विजेता ब्रेथवेट र मलिकलले इपिएल खेल्ने पक्का भएकोे जनाएको छ । उनीहरु कुन टोलीबाट खेल्छन् भन्ने सार्वजनिक गरेको छैन ।
वेस्टइन्डिजका ब्रेथवेट २०१६ को टि२० विश्वकप जिताउँदा नायक हुन् । उक्त फाइनलमा अन्तिम ओभरमा १९ रन चाहिँएको अवस्थामा इंग्ल्यान्डका बेन स्टोक्सलाई लगातार चार छक्का प्रहार गर्दै ब्रेथवेटले टि२० विश्वकप जिताएका थिए ।
मलिक पाकिस्तानका सर्वाधिक सफल टि२० खेलाडी हुन् । तीव्र गतिसँगै ब्रेथवेट राम्रो ब्याटिङको क्षमता राख्छन् । सन् २०१९ को एकदिवसिय विश्वकपमा ब्रेथवेटले न्युजिल्यान्डविरुद्ध सानदार शतकीय इनिङ खेलेका थिए । ब्रेथवेटले वेस्टइन्डिजबाट तीन टेस्ट, ४४ ओडिआई र ४१ टि२० आई खेलेका छन् ।
मलिक पाकिस्तानका पूर्व कप्तान हुन् । २००९ को टि२० विश्वकप पाकिस्तानलाई जिताउन मलिकको प्रदर्शन उच्च थियो । उनले पाकिस्तानबाट ३५ टेस्ट, २ सय ८७ ओडिआई, १ सय १६ टि२० आई र ४ सय २५ टि२० खेल खेलेका छन् । मलिक टि२० आई सर्वाधिक धेरै खेल खेल्ने विश्वका खेलाडी हुन् ।
