२८ साउन, काठमाडौं ।
लुम्बिनी प्रदेश सरकारमा मुख्यमन्त्रीसँगै तीन दलका ५ मन्त्रीले शपथ लिने भएका छन्। मुख्यमन्त्रीमा नियुक्त भएका माओवादी केन्द्रका कुलप्रसाद केसी ‘सोनाम’सँगै पाँच मन्त्रीले शपथ लिने भएका हुन्।
जनता समाजवादीबाट ३ जना, कांग्रेस र माओवादीबाट १/१ जनाले शपथ लिने भएका छन्। शपथ अपराह्न साढे ४ बजे हुने जनाइएको छ।
प्रदेश प्रमुख अमिक शेरचनले बिहीबार ३ बजेसम्म मुख्यमन्त्रीका लागि दाबी पेश गर्न समय दिएका थिए । केसीकाे मात्रै दाबी परेपछि प्रदेश प्रमुख शेरचनले उनलाई नियुक्त गरेका हुन् ।
