१ भदाै, काठमाडौं ।
राष्ट्रपति विद्यादेवी भण्डारीले प्रदेश २ को प्रदेश प्रमुखमा हरिशंकर मिश्रलाई नियुक्त गरेकी छन् । राष्ट्रपति भण्डारीले मन्त्रिपरिषद्को सिफारिसमा संविधानको धारा १६३ को उपधारा (२) बमोजिम मिश्रलाई प्रदेश प्रमुखमा नियुक्त गरेकी हुन् ।
महोत्तरीको पिपरा गाउँपालिकाका मिश्र नेपाली कांग्रेसका नेता स्वर्गीय रामनारायण मिश्रका छोरा हुन् । मिश्र नेपाली कांग्रेसबाट संसद समेत निर्वाचित भएका थिए ।
यससँगै केपी शर्मा ओली सरकारको सिफारिसमा नियुक्त भएका राजेश अहिराज पदमुक्त भएका छन् ।
