१ भदौ, काठमाडौं ।
अफगानिस्तानमा विकसित पछिल्लो घटनाक्रमबारे नेपाल सरकारले आफ्नो धारणा सार्वजनिक गरेकाे छ । मंगलबार परराष्ट्र मन्त्रालयले एक विज्ञप्ति जारी गर्दै त्यहाँ विकसित घटनाक्रमलाई नजिकबाट नियालिरहेको बताएको छ । त्यस्तै नेपालले त्यहाँ शान्ति, सुरक्षा र अमनचयनको ग्यारेन्टी गर्न आग्रह गरेको छ ।
‘हामी सरोकारवाला सबैलाई सर्वसाधारणको शान्ति, सुरक्षा र अमनचयनको ग्यारेन्टी गर्न आग्रह गर्दछौं’ विज्ञप्तिमा भनिएको छ । त्यस्तैं अफगानिस्तान छाड्न चाहनेहरुलाई सुरक्षित रुपमा सडकमार्ग, हवाईमार्ग र सीमापार गर्न दिन पनि नेपालले आग्रह गरेको छ ।
नेपालले अफगानिस्तानमा मानव जीवन र सम्पत्तिको रक्षा, शान्ति र स्थिरता कायम गर्न पनि अपिल गरेको छ । वज्ञप्तिमा सार्क सदस्य राष्ट्रको हैसियतमा नेपालले अफगानिस्तानमा शान्ति र स्थिरता कायम भएको देख्न चाहेको उल्लेख गरिएको छ ।
