७ भदौ, एजेन्सी ।
बेलायती प्रधानमन्त्री बोरिस जोन्सनले अफगानिस्तान सरकारको रुपमा तालिबानलाई कसैले पनि द्विपक्षीय रुपमा मान्यता दिन नसकिने बताएका छन् ।
प्रधानमन्त्री जोन्सनले अफगानिस्तानमा चाँडै नयाँ सरकार बन्ने स्पष्ट भएकोसमेत बताएका छन् ।
“हामी कसैले द्विपक्षीय रुपमा तालिबानलाई मान्यता दिन चाहँदैनौं,” जोन्सनले भने । उनले संयुक्त राष्ट्र संघ र नाटोजस्ता संयन्त्रको माध्यमबाट अफगानिस्तानमा मिलेर काम गर्न पश्चिमलाई आग्रह गरेका छन् ।
“हामी सबै समान विचारधाराहरुको बीच एकजुट स्थिति चाहन्छौं, जहाँसम्म हामी एक पाउन सक्छौं ताकी हामी अफगानिस्तानलाई आतंकको प्रजनन स्थल बन्न बाट रोक्न सक्छौं,” उनले भने ।
तालिबान बिद्रोही आइतबार काबुलमा प्रवेश गरेपछि राष्ट्रपति असरफ घानीले देश छाडेका छन् । अफगानिस्तानस्थित अमेरिकी दूतावासले राजधानी काबुलमा रहेको विमानस्थलमा कूटनीतिज्ञ, अधिकारी र अन्य अफगानहरु देश छोड्न भागदौड गरिरहेको देखिएका छन् ।
प्रधानमन्त्री जोन्सनले अफगानिस्तानबाट बेलायती नागरिक र कूटनीतिज्ञ तथा अन्य अफगानी नागरिकहरुलाई बाहिर ल्याउनका लागि राजदूतले चौबीसै घण्टा काम गरीरहेको र विमानस्थलमा आवेदनको प्रक्रियामा मद्दत गरिरहेको बताएका छन् ।
उनले यति चाँडै अफगानिस्तान तालिबानको हातमा पर्ने भन्ने विश्वास नभएको बताएका छन् । तर, चाँडै अफगानिस्तानमा नयाँ सरकार गठन हुने भएकोले कुनै पनि मुलुकलाई तालिबानलाई द्विपक्षीय मान्यता नदिन उनले आग्रह गरेका छन् ।
उनले अमेरिकी सेना फिर्ता गर्ने निर्णय चाँडो भएको टिप्पणी पनि गरेका छन् । रुसले तालिबान विद्रोहीहरुलाई अफगानिस्तानको नयाँ वैधानिक प्राधिकरणको रुपमा मान्यता दिन अस्वीकार गरेको छ ।
