८ भदाै, काठमाडौँ ।
नेकपा एमालेले पार्टी विभाजनमा गएका माधव नेपाल लगायतका नेताहरूलाई ‘मूलघर’मा फर्किन आह्वान गरेको छ ।
मंगलबार बसेकाे स्थायी कमिटीको बैठकले बुधबार पार्टी विभाजनका लागि औपचारिक रुपमा निर्वाचन आयोगमा सनाखत गर्नका लागि जाने तयारीमा रहेका नेताहरूलाई बाटोबाट फर्किन भनेको हो ।
बैठकमा माधव नेपालसँग लामाे समय रहेका तर पार्टी विभाजनमा साथ नदिएका नेताहरु पनि सहभागी थिए । बैठकपछि प्रवक्ता प्रदीप ज्ञवालीले भने, ‘दल दर्ताको प्रक्रियाबाट अलगत रहनुहोस् स्वागत गरिने छ । विभाजनका सबै गतिविधि परित्याग गरेर आउनेलाई कुनै कारबाही र भेदभाव राखिने छैन ।’
