९ भदौ, काठमाडौं ।
निर्वाचन आयोगले नेकपा एकीकृत समाजवादी पार्टी दर्ताका लागि नेता झलनाथ खनालले दिल्लीबाट पठाएकाे हस्ताक्षर सनाखत स्वीकार गरेकाे छ । निर्वाचन आयोगका प्रवक्ता राजकुमार श्रेष्ठका अनुसार नयाँदिल्लीस्थित नेपाली दूतावासमार्फत पठाइएकाे खनालको हस्ताक्षर सनाखत गरिएको हो ।
एमाले विभाजन गरी एकीकृत समाजवादी पार्टी दर्ता गर्न नेताहरुले दिएको निवेदनमा निर्वाचन आयोगले बुधबार केन्द्रीय सदस्यहरुलाई सनाखत गर्न बोलाएको थियो । तर खनाल स्वास्थ्य उपचारका लागि दिल्लीमा रहेका छन् ।
