१५ भदाै, कैलाली ।
सुदूरपश्चिम प्रदेशमा एमालेका १० सांसदले माधक कुमार नेपाल नेतृत्वकाे नेकपा एकीकृत समाजवादी राेजेका छन् । उनीहरुले आज निर्वाचन आयोगको कार्यालय पुगेर एकीकृत समाजवादीमा सनाखत गरेका हुन् ।
बाँकी केही सांसदको कागजात नपुगेर सनाखत हुन नसकेको एकीकृत समाजवादीले जनाएको छ । एकीकृत समाजवादीले आफ्नो पक्षमा १४ सांसद रहेको दावी गरेको छ ।
निर्वाचन आयोगले २२ गतेसम्म पार्टी रोज्न पाउने व्यवस्था गरेकाे छ । सुदूरपश्चिम प्रदेशमा एमालेका २५ सांसद थिए । यहाँ माओवादी केन्द्रको १२, कांग्रेसका १२ र जसपाका २ सांसद छन् ।
