२३ भदौ, काठमाडौं ।
अमेरिकी सहयोग नियोग मिलेनियम च्यालेन्ज कर्पोरेसन (एमसीसी) विरुद्ध २२ दलीय गठबन्धनले विरोध प्रदर्शन गरेको छ । गठबन्धनले बुधबार काठमाडौंको माइतीघरदेखि नयाँबानेश्वरसम्म एमसीसी सम्झौता खारेजीको माग गर्दै विरोध प्रदर्शन गरेको हो ।
उनीहरुले राष्ट्रघाती एमसीसी सम्झौता खारेज गर, एमसीसीविरुद्ध आवाज उठाउनेको धर-पकड बन्द गर लगायतका नारा लगाउँदै प्रदर्शनमा उत्रिएका थिए । प्रदर्शनमा गठबन्धनको तर्फबाट सीपी गजुरेल, नेकपा (माले)का अध्यक्ष सीपी मैनाली लगायत सहभागी थिए ।
प्रतिनिधिसभाको अधिवेशन आजदेखि शुरू हुँदैछ । एमसीसी सदनमा पेस गर्ने तयारी भइरहँदा यसविरुद्ध आन्दोलन चर्किएको छ ।
