२४ भदाै, काठमाडौँ ।
सत्ता गठबन्धनका शीर्ष नेताहरुको बैठक बालुवाटारमा बसिरहेको छ । प्रधानमन्त्री शेरबहादुर देउवाले पछिल्ला राजनीतिक घटनाक्रम र मन्त्रिपरिषद् विस्तारका विषयमा छलफल गर्न बैठक बोलाएका हुन् ।
देउवाले मिलेनियम च्यालेन्ज कर्पोरेसन (एमसीसी) अनुमोदन गर्ने विषयले चर्चा पाइरहेको र एमसीसीकै उपाध्यक्ष फातिमा सुमारसहितको टोली नेपाल भ्रमणमा रहेका बेला सत्ता गठबन्धनको बैठक राखेका हुन् । बैठकमा प्रधानमन्त्री एवं नेपाली कांग्रेसका सभापति शेरबहादुर देउवासहित नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादी पार्टीका अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादव सहभागी छन् ।
बैठकमा गृहमन्त्री बालकृष्ण खाँण र कानुनमन्त्री ज्ञानेन्द्रबहादुर कार्की तथा महान्यायाधिवक्ता खम्मबहादुर खातीसमेत सहभागी रहेको प्रधानमन्त्रीका स्वकीय सचिव भानु देउवाले जानकारी दिए ।
चार दलको बैठक अघि प्रधानमन्त्री देउवा र प्रचण्डबीच छलफल भएको थियो। यसअघि प्रचण्ड, नेपाल र यादवबीच बिहीबार बिहान उपेन्द्र यादवको निवास हात्तीवनमा छलफल भएको थियो।
