२४ भदौ, काठमाडौं ।
प्रमुख विपक्षी दल नेकपा एमालेकाे स्थायी कमिटी बैठक शुक्रबार बस्ने भएकाे छ । बैठक शुक्रबार दिउँसो चार बजे ललितपुरकाे च्यासलस्थित तुलसी लाल स्मृति भवनमा बस्ने भएकाे हाे ।
यो बैठकमा विधान महाधिवेशनमा पेश गरिने राजनीतिक तथा विधान संशोधन प्रस्तावमाथि छलफल गर्ने तयारी भएको छ । ६–७ असोजमा हुने विधान महाधिवेशनमा पेश गरिने राजनीतिक प्रतिवेदन अध्यक्ष केपी शर्मा ओलीको नेतृत्वमा तयार हुँदैछ ।
विधान संशोधन मस्यौदा उपमहासचिव विष्णुप्रसाद पौडेलको संयोजकत्वमा तयार गरिँदैछ । शुक्रबारकाे स्थायी कमिटी बैठकको निर्णय २७ भदौमा बस्ने केन्द्रीय कमिटी बैठकले अनुमोदन गर्नेछ ।
एमालेले आगामी १०–१२ मंसिरमा हुने दशौं राष्ट्रिय महाधिवेशनको मिति तय गरेको छ ।
