२६ भदाै, दाङ ।
दाङमा तीजको नाच हेर्न गएकी एक किशोरीमाथि जंगलमा सामूहिक बलात्कार भएको छ। बङलाचुली गाउँपालिकाकी करिब १८ वर्षीया ती किशोरी तीजको नाच हेरेर जंगलको बाटो हुँदै घर फर्किने क्रममा बिहीबार बिहान २ बजेतिर तीन युवाहरूबाट सामूहिक बलात्कारमा परेकी थिइन्।
बाटो ढुकेर किशोरीमाथि बलात्कार गरेको आरोपमा प्रहरीले बंगलाचुली गाउँपालिका वडा नं। ७ बिर्खेका २७ वर्षीय पवन रोका, २७ वर्षीय विनाराम मर्साङी र २० वर्षीय यमबहादुर मास्कीलाई पक्राउ गरिएको जिल्ला प्रहरी प्रवक्ता डिएसपी मुकुन्द्रप्रसाद रिजालले बताए।
बिहीबार घटनाबारे जानकारी पाएको र सोही दिन उनीहरूलाई पक्राउ गरिएको डिएसपी रिजालले जानकारी दिए। पीडित किशोरी प्रहरीको महिला सेलमा रहेकी छन् ।
पीडितले घटनाका आरोपितविरूद्ध किटानी जाहेरी दिइ सकेकोले कानुनी कारबाहीको प्रक्रिया अगाडि बढिसकेको प्रहरीले जनाएको छ ।
