३१ भदाै, काठमाडाैँ ।
भारतीय क्रिकेट टोलीका कप्तान विराट कोहलीले अक्टोबरमा दुबईमा हुने टी-२० विश्वकपपछि टि-२० शैलीकाे क्रिकेटमा भारतीय टोलीको कप्तानी छाड्ने निर्णय गरेका छन् । बिहीबार कोहलीले सामाजिक सञ्जाल मार्फत टि२० विश्वकप पछि कप्तानी छाड्ने जनाएका हुन् । कोहलीले यहाँसम्म आइपुग्नका लागि सहयोग गर्ने सबैलाई धन्यवाद दिँदै यो निर्णय लिएको बताएका छन् ।
उनले भनेका छन्, ‘लगातार ८-९ वर्ष लगातार तीन वटै फर्म्याट खेलिरहेको छु र निरन्तर ५-६ वर्षदेखि कप्तानी गरिरहेको छु । अब भारतीय टोलीलाई एकदिवसीय र टेस्टमा नेतृत्व गर्नका लागि आफूलाई ‘स्पेस’ दिनुपर्ने महसुस गरेको छु । मैले अहिलेसम्म टी-२० मा मेरो सबै थोक दिउको छु । अब टी-२० ब्याट्सम्यानको रूपमा अझै पनि उत्तिकै योगदान गर्नेछु ।’
आफूले यो निर्णय लिनुअघि आफ्ना नजिकसँग सल्लाह गरेको बताएका छन् ।विराटले टेस्ट र ओडिआईमा भने निरन्तर टोलीको कप्तानी गर्ने छन् ।
विराटले २०१४ देखि टेस्टमा कप्तानी गर्दै आएका छन् । सिमित ओभरमा २०१७ देखि भारतीय टोलीको कप्तानी गर्दै आएका थिए । सन् २०१६ मा महेन्द्रसिंह धोनीले कप्तान छाडेपछि विराटले भारतीय टोलीको नेतृत्व गर्दै आएका थिए ।
कोहलीले टि२० विश्वकपपछि भारतीय टि२० शैलीको कप्तानी छाड्ने बिसिसिआईका अध्यक्ष सौरभ गांगुली र सचिव जय शाहलाई जानकारी दिइसकेको बताएका छन् । कोहलीले आफ्नो प्रदर्शन शतप्रतिशत दिन टि२० कप्तानी छोड्न लागेको जनाएका छन् । रोहितलाई टि२० कप्तानी दिन आवश्यक रहेको कोहलीले जनाएका छन् ।
विराटको कप्तानीमा भारतले सिनियर टोलीमा हालसम्म आइसिसी उपाधि जितेको छैन ।
