१ असाेज, काठमाडौं ।
युवा तीव्र गतिका बलर गुलशन झाले नेपाली क्रिकेट टोलीबाट अमेरिकाविरुद्ध डेब्यू गरेका छन् ।
नेपालले आइसिसी विश्वकप लिग–२ त्रिकोणात्मक ओाडिआई सिरिज अन्तर्गत तेस्रो खेलमा अमेरिकाविरुद्ध पहिला ब्याटिङ गर्ने भएको छ । ओमानको अल अमरेत क्रिकेट मैदान मस्कटमा भएको टसमा अमेरिका कप्तान सौरभ नेत्रवालकारले टस जितेर पहिला बलिङ गर्ने निर्णय लिएका छन् ।
नेपालले टोलीमा एक परिवर्तन गर्दै आज गुलशनलाई डेब्यू दिएको छ । विक्रम सोबलाई बेन्चमा राखेको छ । गुलशनलाई तीव्र गतिका बलर सोमपाल कामीले डेब्यू क्याप दिएका थिए । झा नेपालका लागि एकदिवसिय क्रिकेटमा डेब्यु गर्ने २७ औं खेलाडी बनेका छन । गत फागनुमा भएको काठमाडौं मेयर्स कपमा नेपाल पुलिस क्लबबाट खेल्दै गुलशनले राम्रो प्रभाव छाडेका थिए । दुई मात्र खेल खेलेका उनी बाउन्स र गतीका लागि सिपालु छन् ।
नेपालले पहिलो खेलमा अमेरिकालाई ५ विकेटले पराजित गरेको थियो । नेपाल अमेरिकामाथि लगातार चौथो जित निकाल्ने सोचमा छ ।
नेपालको प्लेइङ-११ : ज्ञानेन्द्र मल्ल (कप्तान), कुशल भुर्तेल, आसिफ शेख, रोहित कुमार पौडेल, कुशल मल्ल, सोमपाल कामी, विनोद भण्डारी (विकेटकिपर) करण केसी, गुलशन झा, सन्दीप लामिछाने र सुशान भारी
