१ असोज, लुम्बिनी ।
नेकपा (एकीकृत समाजवादी) लुम्बिनी प्रदेशको अध्यक्षमा मेटमणि चौधरी चयन भएका छन् । चौधरीको नेतृत्वमा शुक्रबार लुम्बिनी प्रदेश कमिटी निर्माण भएको हो ।
प्रदेश कमिटीको प्रथम बैठकले केन्द्रीय सचिवालयको निर्देशन अनुसार चौधरीलाई अध्यक्षका रुपमा सिफारिस गरेको हो । चौधरी दाङ क्षेत्र नम्बर १ बाट निर्वाचित संघीय सांसद पनि रहेका छन् । उनी एमालेमा रहँदा अध्यक्ष केपी शर्मा ओलीका कट्टर आलोचक थिए ।
कमिटीको सचिवमा राजु गुरुङलाई अघि सारिएको छ । प्रदेशका सबै जिल्ला अध्यक्षहरुलाई सदस्य राखेर कमिटी बनाइएको सचिव गुरुङले बताएका छन् । यो कमिटीलाई आगामी असोज ५ गते बस्ने केन्द्रीय कमिटी बैठक र प्रदेश भेलापछि पूर्णता दिने तयारी छ ।
