४ भदाै, विराटनगर ।
संखुवासभामा ६ जनाको सामूहिक हत्या भएको घटनामा अनुसन्धानमा खटिएका दुई प्रहरी प्रदेश १ भरिबाट भदौ महिनाका सर्वाेत्कृष्ट प्रहरी घोषित भएका छन् । इलाका प्रहरी कार्यालय चैनपुर, संखुवासभा दरबन्दीभई सोही कार्यालयमाकार्यरत प्रहरी निरीक्षक योगराज खतिवडा र इलाकाप्रहरी कार्यालय दोभान, ताप्लेजुङ दरबन्दीभई १ नं. प्रदेश प्रहरी कार्यालय, विराटनगर आर आई टी शाखामा कार्यरत प्रहरी नायवनिरीक्षक रुद्र बहादुर खड्का भदौ महिनाको सर्वाेत्कृष्ट प्रहरी घोषित भएका हुन ।
एकै परिवारका ६ जनाको विभत्स ढंगले सामूहिक हत्या गरी लुकिछिपी बसेका अपराधमा संलग्न व्यक्तिहरुलाई अनुसन्धान तथा पक्राउ गरी कानूनी कारवाहीको दायरामा ल्याउन महत्वपूर्ण भूमिका निर्वाह गरेको भन्दै प्रहरी निरीक्षक योगराज खतिवडा र प्रहरी नायव निरीक्षक रुद्रबहादुर खडकालाई उनीहरुले गरेको उत्कृष्ट कार्यसम्पादनको उच्च मुल्याङकन गर्दै २०७८ साल भदौ महिनाको सर्वाेत्कृष्ट प्रहरी घोषणा गरिएको प्रदेश १ प्रहरी कार्यालय विराटनगरले जनाएको छ ।
प्रहरी कर्मचारीहरुको मनोबल उच्च बनाउने तथा सम्पादित कार्यको उचित मुल्याङकन गर्दै १ नम्बर प्रदेश प्रहरी कार्यालय विराटनगरले १ नम्बर प्रदेश भरिका प्रहरी कर्मचारीहरु मध्येबाट प्रत्येक महिना सर्वाेत्कृष्ट प्रहरी छनौट गर्दै आइरहेको छ ।
यसरी सर्वाेत्कृष्ट हुने प्रहरी कर्मचारीलाई पुरस्कृत गरी उत्कृष्ट कार्यको बिवरण सहितको फ्लेक्स प्रिण्ट गरेर १ नम्बर प्रदेश प्रहरी कार्यालय बिराटनगरमा निर्माण गरिएको स्तम्भ तथा १ नम्बर प्रदेश अन्तर्गत रहेका इलाकाप्रहरी कार्यालय क स्तरसम्मका प्रहरी कार्यालयहरुमा १ महिना सम्म राखिदै आइएको छ ।
