८ असोज, काठमाडौं ।
एभरेष्ट प्रिमियर लिग(ईपीएल) खेल्न नेपाल आएका पाकिस्तानी स्टार क्रिकेटर शाहिद अफ्रिदी माउण्टेन फ्लाइटमा जाने भएका छन् । उनी आइतबार माउण्टेन फ्लाइटमा जाने कार्यक्रम छ ।
यतिले हरेक शनिबार र आइतबार माउण्टेन फ्लाइटको योजना बनाएको छ । यसमध्ये आइतबारको उडानमा अफ्रिदी समेत रहने यति एयरलाइन्सले जानकारी दिएकाे छ । कम्पनीले ८ हजार ८४८ रुपैयाँमा दुई वटा टिकट पाइने गरी प्याकेज बिक्री गरिरहेको छ ।
पर्यटकीय मौसम शुरु भएसँगै एयरलाइन्सहरुले अहिले माउण्टेन फ्लाइट पुनः शुरु गरिसकेका छन् । यतिसँगै बुद्ध एयरले माउन्टेन फ्लाइट गर्दै आएका छन् ।
