१३ असोज , काठमाडौं ।
युट्युब च्यानलमार्फत महिलाको चरित्र हत्या गर्ने भिडियो, अन्तर्वार्ता तथा फोटोसहितको विवरण प्रसारण गरेको आरोपमा नेपाल प्रहरीको साइबर ब्यूरोले चार जनालाई पक्राउ गरेको छ ।
पक्राउ पर्नेमा दैनिक खबर युट्युब च्यानलका सञ्चालक दाङ घर भई काठमाडौं गोकर्णेश्वर बस्ने प्रदीप भण्डारी, हरेक पलको खबर च्यानलका सञ्चालक नुवाकोट घर भई नेपालटार बस्ने शिशिर अधिकारी, सराईचुली मिडिया च्यानलका सञ्चालक मोरङ घर भई पेप्सिकोला बस्ने पिकला कार्की, मोडर्न अनलाइन टिभी सञ्चालक दोलखा घर भई गोकर्णेश्वर बस्ने रोधन तामाङ छन् ।
उनीहरुले युट्युब च्यानलबाट पीडित महिलाको तस्वीरसहित चरित्र हत्या हुने तथा इज्जत प्रतिष्ठामा आँच पुर्याएर घृणा वा द्वेष फैलाउने सामाग्रीहरु प्रसारण गरी विद्युतीय कारोबार ऐन, २०६३ अन्तर्गतको कसुर गरेकाले जिल्ला अदालतबाट अनुमति लिएर पक्राउ गरेको ब्यूरोका प्रहरी वरिष्ठ उपरीक्षक नविन्द अर्यालले जानकारी दिए ।
उनका अनुसार जिल्ला अदालतबाट म्याद थप गरी आवश्यक अनुसन्धान भइरहेको छ ।
