१५ असोज, काठमाडौं ।
राष्ट्रपति विद्यादेवी भण्डारीले जेष्ठ नागरिकलाई प्रदान गरिने सेवा–सुविधाको प्रभावकारी कार्यान्वयन गर्न सरकारसँग आग्रह गरेकी छन् ।
‘अन्तर्राष्ट्रिय जेष्ठ नागरिक दिवस’का अवसरमा शुक्रबार शुभकामना सन्देश जारी गर्दै भण्डारीले जेष्ठ नागरिक स्वास्थ्य बिमा‚सामाजिक सुरक्षा भत्तालगायत सेवा–सुविधाको प्रभावकारी र सम्मानपूर्ण कार्यान्वयन गर्न भनेकी हुन्।
ज्येष्ठ नागरिकहरूको ज्ञान र अनुभवको पुस्तान्तरणका लागि अनुकूल परिस्थिति निर्माण गर्न सामूहिक प्रयासको खाँचो रहेको उनले औँल्याएकी छन् ।
संयुक्त राष्ट्रसंघले जेष्ठ नागरिक दिवसको नारा ‘सबै उमेर समूहको लागि विद्युतीय प्रविधिको प्रयोगमा समानता’ तय गरेको छ ।
