२१ असाेज, धनकुटा ।
धनकुटाकाे पाख्रिवास नगरपालिका-४ स्थित मध्यपहाडी लोकमार्गमा बा२ख ५८४० नम्बरको बसको ढोकाबाट खसेर सहचालकको मृत्यु भएको छ । मृत्यु हुनेमा भोजपुर नगरपालिका-११ का १७ बर्षीय धन बहादुर पाठक रहेका छन् ।
बुधबार दिउँसो ११ बजे भोजपुरबाट धरानतर्फ आउँदै गरेको बसको ढोका खोल्ने क्रममा ढोकाबाट झरेर गम्भिर घाईते भएका पाठकको जिल्ला अस्पताल धनकुटामा उपचारको क्रममा बुधबार दिउँसो साढे ११ बजे मृत्यु भएको हो ।
बस र बस चालक भोजपुर अरुण गाउँपालिका-७ का ३५ बर्षीय दुर्गा बहादुर श्रेष्ठ ईलाका प्रहरी कार्यालय पाख्रीबासको धनकुटाको नियन्त्रणमा रहेका छन् । घटनाको बारेमा थप अनुसन्धान भईरहेको जिल्ला प्रहरी कार्यालय धनकुटाले जनाएकाे छ ।
