वासिङटन, ११ साउन (एजेन्सी) । फेसबुकमा प्रयोगकर्ताको आकर्षणमा आएको कमीका कारण मार्क जुकरबर्गले ठूलो नोक्सानी बेहोर्नु परेको छ ।
फेसबुकको सेयरमा बुधबार आएको गिरावटका कारण उनले एकै दिनमा १६.८ अर्ब डलर गुमाएका छन् । निराशाजनक परिणामपछि न्यूयोर्कमा यो सामाजिक सञ्जालको सेयरको मूल्यमा २० प्रतिशतको गिरावट आएको थियो । अाजकाे काराेबार दैनिकमा खबर छ ।
उनको कम्पनीको सेयरमा बिहीबार पनि गिरावट आयो भने उनी ब्लूमबर्ग अर्बपतिको सूचीमा तेस्रो स्थानबाट सीधै छैटौ स्थानमा ओर्लने छन् । जुलाईको पहिलो सातामा उनले वारेन बफेटलाई पछि पार्दै विश्वकै तेस्रो धनी व्यक्ति भएका थिए ।
तर कम्पनीको सेयर मूल्यमा आएको गिरावटका कारण यो वर्षको उनका १३.७ अर्ब डलकरो मुनाफा पनि समाप्त हुनेछ । उनको सम्पत्ति केबल ७० अर्ब डलर मात्रै हुनेछ । हाल उनी विश्वका सर्वाधिक धनीको सूचीमा अमेजनका संस्थापक जेफ बेजोस तथा माइक्रोसफ्टका सह संस्थापक बिल गेट्सपछिको स्थानमा रहेका छन् ।
कम्पनी युरोपमा नयाँ डाटा कानुनसँग जुझिरहेको छ । फेसबुकको कन्टेन्ट नीति तथा गोपनियताको विषयलाई लिएर पनि कम्नीको आलोचना भइरहेको छ । फेसबुकमाथि लगातार डाटा अतिक्रमणदेखि लिएर भ्रामक समाचार पैmलाउने आरोप पनि लाग्दै आएको छ ।
केही दिन पहिले फेसबुकमाथि मानिसका डाटा अन्य कसैलाई बिक्री गर्ने तथा आफ्नो चुनावमा कुनै एक पार्टिलाई लिएर मद्दत गरेको विषय पनि सामुन्ने आएको थियो ।
