१ असाेज, काठमाडौं ।
साफ च्याम्पियनसिपमा उपविजेता भएको नेपाली फुटबल टोली स्वदेश फर्किएको छ । कतार एयरको जहाजबाट केहीबेर अघि टोली नेपाल आइपुगेको हो ।
मालदिभ्सको राजधानी मालेमा शनिबार बेलुका भएको फाइनल खेलमा भारतसँग ३–० पराजित भएपछि नेपाल उपविजेतामा सीमित बनेको थियो । साफको इतिहासमा नेपाल पहिलोपटक फाइनलमा पुगेको थियो ।
नेपाललाई फाइनलसम्म पुर्याउन सफल मुख्य प्रशिक्षक अब्दुल्लाह अल्मुताइरीले भने नेपाल फर्किने कि नफर्किने भन्ने विषयमा पछि निर्णय लिने बताएका छन् । नेपालले साफ च्याम्पियनसिपकाे फाइनलमा स्थान बनाएलगत्तै अलमुताइरीले नेपाल छाड्ने घोषणा गरेका थिए ।
