२ कात्तिक, कञ्चनपुर ।
कञ्चनपुरको भीमदत्त नगरपालिका ९ खल्ला मसेट्टीमा महाकालीको बाढीमा सोमबार रातिदेखि फसेका ५ जनाका उद्धार भएको छ । मंगलबार साँझ नेपाली सेनाको हेलिकप्टरबाट उनीहरुकाे उद्धार गरिएकाे हाे ।
जिल्ला प्रहरी कार्यालय कञ्चनपुरका डिएसपी सिद्धराज न्यौपानेले भने,‘सबैको सकुशल उद्धार गरेर हेलिकप्टर फर्किएको छ । सबैको एक/एक गरेर उद्धार गरिएको हो ।’
कुखुराको खोर कुर्न गएका उनीहरु सोमबार रातिदेखि महाकालीमा बाढी बढेपछि बीचमा फसेका थिए । बाढी बढ्दै गएपछि ज्यान जोगाउन रुखमा चढेकाे अवस्थामा उनीहरुको उद्धार गरिएको हो ।
