४ कात्तिक, जनकपुरधाम ।
सीके राउत नेतृत्वको जनमत पार्टीका कार्यकर्ताले नेपाल खानेपानी तथा संस्थान जनकपुरका निमित्त प्रमुखलाई दुर्व्यवहार गरेका छन् ।
बिहीबार लाठी र बाँसको भाटासहित कार्यालय पुगेका जनमत कार्यकर्ताले निमित्त प्रमुख जागेश्वर कुशवाहलाई नियन्त्रणमा लिएर कुटपिट गर्दै अर्धनग्न पारेर कालोमोसो दल्दै जनकपुरधाम उपमहानगरपालिकासम्म पैदल हिँडाएका हुन् ।
लगातार परेको भारी वर्षाका कारण जनकपुरधाम जलमग्न भएपछि ढल निर्माणमा अनियमितता भएको भन्दै जनमत पार्टीका कार्यकर्ताले निमित्त प्रमुख कुशवाहालाई दुव्र्यवहार गरेका हुन् ।
उनीहरुले कुशवाहको शरीरमा हिलो छ्याप्नुका साथै सर्टसमेत च्यातेर नालामा रहेको हिलो दलिदिएका थिए । निमित्त प्रमुख कुशवाहालाई अर्धनग्न बनाएर गुण्डाशैलीमा कुटपिट गरी नगर परिक्रमा गराइरहँदा प्रहरी प्रशासन भने मुकदर्शक थियो । पछि कुशवाहालाई दुव्र्यबहार गर्ने जनमत पार्टीका १० जना भन्दा बढी कार्यकर्तालाई भने प्रहरीले नियन्त्रणमा लिएको छ ।
जनकपुरधाममा जथाभावी तरिकाले सडक खनेको महिनौं बितिसक्दा पनि निर्माण अगाडि नबढाएको भन्दै जनमत पार्टीका कार्यकर्ताले पटक–पटक प्रदर्शन गर्दै आएका छन् ।
