१० कात्तिक, काठमाडौं ।
आफ्नो राजीनामा माग गर्दै न्यायाधीशहरूले मुद्दा नहेरिरहेका बेला प्रधानन्यायाधीश चोलेन्द्रशम्शेर जबराले भने इजलास सुरु गरेका छन्।
आफ्नो एकल इजलास राखेका उनले पाँचवटा मुद्दामा आदेश दिएका छन् । उनले अदालतको अवहेलना, बन्दी प्रत्यक्षकीकरण र कालाबजार तथा कन्य केही कसुरसम्बन्धी मुद्दा हेर्दै आदेश दिएका हुन् ।
उनले सोमबार र मंगलबार अरु न्यायाधीशहरूको राखे पनि आफ्नो इजलास राखेका थिएनन् । तर लगातारमा छलफलमा जुटेका अरु न्यायाधीशहरूले मुद्दा नहेरेपछि जबराले आफैं इजलास राखेर मुद्दा हेर्न थालेका हुन् ।
अन्य न्यायाधीशहरु भने आन्तरिक छलफलमै व्यस्त छन्। आजका लागि राणाले प्रधानन्यायाधीश वरिष्ठतम् न्यायाधीश दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठको संवैधानिक इजलास तोकेका थिए।
अन्य न्यायाधीशहरुका लागि नौ वटा इजलासमा पेसी तोकेका छन्। न्यायाधीशहरु दीपककुमार कार्की र सुष्मालता माथेमा, हरिकृष्ण कार्की र प्रकाशमान सिंह राउत, हरिकृष्ण कार्की, सुष्मालता माथेमा, विश्वम्भरप्रसाद श्रेष्ठ र आनन्दमोहन भट्टराई, वमकुमार श्रेष्ठ र कुमार चुडाल, टंकबहादुर मोक्तान र कुमार रेग्मी त्यस्तै प्रधानन्यायाधीश राणाले प्रकाश कुमार ढुंगाना र मनोजकुमार शर्माको इजलास तोकेका छन्।
सर्वोच्चका १५ न्यायाधीशहरु प्रधानन्याधीश राणाको राजीनामाको पक्षमा छन्। राणा सर्वोच्चमा एक्लो भएपनि उनले आफूले राजीनामा नदिने बताएका छन्।
