१० कात्तिक, विराटनगर ।
नेकपा एमालेको विराटनगर महानगरपालिकाकाे अध्यक्षमा सागर थापा चयन भएका छन् । यसअघि पनि अध्यक्ष रहेका थापा बुधबार नगरसम्मेलनबाट दाेस्राे कार्यकालका लागि सर्वसम्मत चयन भएका हुन् ।
हिँजो उद्घाटन भएको नगर सम्मेलनमा अध्यक्षका आकांक्षी पर्शुराम बस्नेत र थापा रहेका थिए । दुवै जना पक्ष पछि नहटेपछि नेतृत्व चयनमा समस्या भएको थियो । तर आज अबेरसम्ममा बस्नेत पछि हटेसँगै थापालाई सर्वसम्मत अध्यक्ष चयन गरेको हो ।
त्यस्तै एमाले महानगरकाे उपाध्यक्षमा शिल्पा कार्की, सचिवमा रोहित कोइराला र उपसचिवमा नवराज नेपाल टुप्पी र जयप्रकाश महतो चयन भएका छन् ।
