१२ कात्तिक, विराटनगर ।
रोटरी क्लव अफ बिराटनगर सेन्ट्रलले विराटनगरका १ सय ३५ विपन्न परिवारलाई खाद्यान्न सहयोग गरेको छ । केही दिन अघिको बेमौसमी वर्षापछि आएको बाढीबाट पीडित बनेका विपन्न परिवारलाई क्लवले राहत स्वरुप खाद्यान्न सहयोग गरेको हो ।
क्लवले विराटनगर– १९ खाप टोलका १३५ परिवारलाई खाद्यान्न वितरण गरेको क्लवकी अध्यक्ष मुन थपलियाले जानकारी दिइन् । क्लवले स्थापनाकालदेखि नै विभिन्न सामाजिक कार्य गर्दै आएको छ । क्लवले प्रत्येक महिना फरक–फरक कामहरु गर्दै आइरहेको छ ।
