विराटनगर,साउन २१
अबैधरुपमा गिट्टी बालुवा उत्खननमा प्रयोग गरेको अभियोगमा प्रहरीले मोरङबाट ५ वटा ट्रयाक्टर नियन्त्रणमा लिएको छ । मोरङको सुन्दरहरैचा ४ स्थित गछिया खोलामा अबैध उत्खननमा संलग्न ती ट्रयाक्टरहरुलाई आईतबार प्रहरीले नियन्त्रणमा लिएको हो ।
इलाका प्रहरी कार्यालय बेलबारी तथा गछिया प्रहरीचौकीको टोलीले अवैधरुपमा उत्खन्नमा संलग्न हुंदैगर्दा ट्रयाक्टरहरुलाई नियन्त्रणमा लिएको मोरङ प्रहरीका प्रवक्ता निशान थापाले जानकारी दिए ।
नियन्त्रणमा लिइएको को २ त ७३१७,को २ त ७०३७,को २ त ७२२३,को २ त ४१०५ र को १ त ६९४९ नम्बरका ती ट्रयाक्टरहरुलाई आवश्यक कारवाहीकालागि जिल्ला समन्वय समितिमा पठाइएको प्रहरीले जनाएको छ ।
