२२ कात्तिक, सल्यान।
सल्यान कालिमाटीबाट दाङको तुलसीपुरका लागि हिँडेको जिप दुर्घटना हुँदा १ जनाको मृत्यु भएको छ । दुर्घटनामा परी १८ जना घाइते भएका छन् भने ४ जनाको अवस्था गम्भिर रहेको छ ।
सल्यान र दाङको सिमाना नजिकै पाखेखुरी खारखोला एक्लेवरमा जिप दुर्घटनामा परेको कालिमाटी गाउँपालिका अध्यक्ष दान वहादुर केसीले जानकारी दिए ।
घाइतेहरुलाई उपचारका लागि राप्ती अञ्चल अस्पताल तुलसीपुर लगिएको छ । घटनाकाबारे थप विवरण आउन वाँकी रहेको जिल्ला प्रहरी कार्यालय सल्यानका प्रहरी प्रमुख गोविन्द थापाले जानकारी दिए ।
