२२ कात्तिक, एजेन्सी ।
अष्ट्रेलियाली क्रिकेट टिमले २४ वर्षपछि पाकिस्तानकाे भ्रमण गर्ने भएकाे छ । क्रिकेट अष्ट्रेलिया र पाकिस्तान क्रिकेट बाेर्डले साेमबार सन् २०२२ को मार्चमा अष्ट्रेलियाली क्रिकेट टिमले पाकिस्तान भ्रमण गर्ने तय गरेको हो ।
पाकिस्तान क्रिकेट बाेर्डका अध्यक्ष रमिज राजाले अष्ट्रेलियाले पाकिस्तान भ्रमण गर्ने खबरले उत्साहित भएको बताए । सन् १९९८ सन् १९९८ पछि अष्ट्रेलियाको क्रिकेट टिम पाकिस्तानमा क्रिकेट खेल्न गएको छैन । सन् १९९८काे उक्त भ्रमणमा पाकिस्तान र अष्ट्रेलियाबीच समान तीन ओडिआई र टेस्ट सिरिज भएका थिए । मार्क टेलरको कप्तानीमा रहेको अष्ट्रेलियाले सन् १९९८–९९ मा तीन टेस्ट सिरिज अष्ट्रेलियाले १–० ले जितेको थियो । स्टिभ वाको कप्तानीमा तीन ओडिआई सिरिजमा अष्ट्रेलियाले क्लिनस्विप गरेको थियो ।
भ्रमणमा वर्ल्ड टेष्ट च्याम्पियनसिप र एक दिवसीय अन्तर्राष्ट्रिय सुपर लिग अन्तर्गतकाे खेल हुनेछ । उक्त भ्रमणमा तीनवटा टेष्ट खेल, तीन ओडिआई र एउटा टी-२० खेल हुनेछ ।
