२३ कार्तिक, एजेन्सी ।
टी–२० विश्वकप क्रिकेटमा आइतबार न्युजिल्यान्ड र अफगानिस्तानबीचको खेलमा न्युजिल्यान्डको जितपछि भारतको विश्वकप यात्रा यहीँ टुंगिएको छ ।
भारतीय क्रिकेट टोली सेमिफाइनलमा छनोट हुन नसकेपछि उसले सोमबार साँझ नामिबियासँग खेल खेल्यो, जुन औपचारिकता नै रह्यो । सो खेलमा ९ विकेटको जित निकाल्दै भारतले दुखद् सुरुवात र सुखद् अन्त्य गर्यो ।
अफगानिस्तानले आइतबार न्यूजिल्याण्डलाई हराएको भए भारतीय टोलीको सेमिफाइनल पुग्ने आशा थियो तर त्यसो भएन। टी–२० विश्वकपबाट भारतीय क्रिकेट टोली बाहिरिपछि पाकिस्तान र अफगानिस्तानमा यसको मजाक उडाइएको छ ।
पाकिस्तानका सूचना तथा प्रसारण मन्त्री फवाद चौधरीले ट्वीट गर्दै भनेका थिए, ‘यदि भारतीय टोलीले भोलि नामिबियाविरुद्धको खेल तीन ओभरमा जित्यो भने उनीहरु चाँडै एयरपोर्ट पुग्न सक्छन् ।’
