२६ कार्तिक, काठमाडौँ ।
ब्राजिलले फिफा विश्वकप कतार २०२२ को दक्षिण अमेरिकी छनोटमा जित हात पारेको छ । शुक्रबार बिहान भएको खेलमा ब्राजिलले कोलम्बियामाथि १–०को जित निकालेको हो ।
ब्राजिलको जितमा लुकास प्याक्वेटाले गरेको एकमात्र गोल नै निर्णायक बन्यो । खेलको ७२औँ मिनेटमा सुपरस्टार फरवार्ड नेयमारले उपलब्ध गराएको पासमा प्याक्वेटाले गोल गरेका थिए ।
जितपछि छनोटमा अपराजित रहेको ब्राजिल १२ खेलबाट ३४ अंक जोडेर शीर्षस्थानमा यथावत रहँदै विश्वकपको छनोट नजिक पुगेको छ । पराजित कोलम्बिया १३ खेलबाट १६ अंक जोडेर पाँचौं स्थानमा रहेको छ ।
