२६ कात्तिक, काठमाडौँ ।
प्रधानन्यायाधीश चोेलेन्द्र शमशेर जबराको पक्षमा नाराबाजी गर्नेहरुलाई प्रहरीले पक्राउ गरेको छ । सर्वोच्च अदालतको मूल गेट अगाडि प्रधान्यायाधीश जबराको पक्षमा नाराबाजी गर्दै उनीहरुले नेपाल बार एसोसिएसनको अगुवाइमा भइरहेकोे धर्ना बिथोल्न खोजेपछि प्रहरीले पक्राउ गरेको हो ।
प्रहरीले तारा बरालसहित ५ जनालाई पक्राउ गरेको बताइएको छ । प्रधानन्यायधीश जबराको राजीनामा माग गर्दै शुक्रबार सर्वोच्च अदालतको मुख्य गेट अगाडि नेपाल बार एसोसिएसनका पदाधिकारीहरु र कानुन व्यवसायीहरुले धर्ना दिइरहेका छन् ।
प्रधानन्यायाधीशका समर्थक र विरोधमा उत्रिएका कानुन व्यवसायीबीच झडप समेत भएको छ। प्रधानन्याधीश चोलेन्द्र शमशेर जबरा कार्यालय छिर्नु अगाडि उनीहरुले धर्ना दिन थालेपछि बाक्लो संख्यामा सुरक्षाकर्मी परिचालन भएको छ। प्रदर्शनका कारण सडक अवरुद्ध भएको छ ।
