२७ कात्तिक, काठमाडौं ।
अन्तर्राष्ट्रिय क्रिकेट परिषद् (आइसिसी) को नयाँ टि२० विश्व वरीयतामा नेपालले सुधार गरेको छ । आइसिसीले शुक्रबार सार्वजनिक गरेको नयाँ वरीयतामा नेपालले एक स्थान सुधार गर्दै १२ औं स्थानमा उक्लिएको हाे ।
नेपालले टेस्ट टोली आयरल्यान्डसँगै टि२० विश्वकप २०२१ मा उत्कृष्ट प्रदर्शन गरेका स्कटल्यान्ड र नामिबियालाई पछि पारेको छ । नेपालले पछिल्लो पटक टि२० अन्तर्राष्ट्रिय खेल वैशाखमा नेदरल्यान्ड्स र मलेसियासँग त्रिकोणात्मक सिरिज खेलेको थियो ।
नेपाल भन्दा अघि जिम्बावे ११ औं र वेस्टइन्डिज १० औं स्थानमा छन् । आयरल्यान्ड १३ औं, स्कटल्यान्ड १४ औं, युएई १५ औं र नामिबिया १६ औं स्थानमा छन् । ओमान १७ औं, नेदरल्यान्ड्स १८ औं, पपुवा न्युगिनी १९ औं र सिंगापुर २० औं स्थानमा छन् ।
इंग्ल्यान्ड शीर्ष, भारत दोस्रो र पाकिस्तान तेस्रो स्थानमा छन् । न्युजिल्यान्ड चौथो, दक्षिण अफ्रिका पाँचौं, अष्ट्रेलिया छैटौं, अफगानिस्तान सातौं, बंगलादेश आठौं र श्रीलंका नवौं स्थानमा छन् ।
नेपाल ओाडिआईमा भने १६ औं स्थानमा छ । ओडिआई वरीयता बलिङमा सन्दीप ७९ औं स्थानमा छन् । टि२० आई वरीयतामा कुशल भुर्तेल ५७ औं स्थानमा छन् । टि२० आई वरीयता बलिङ तर्फ सन्दीप ८८ औं स्थानमा छन् ।
