२९ कात्तिक, काठमाडौं ।
पूर्व न्यायाधीश फोरमले प्रधानन्यायाधीश चोलेन्द्रशम्शेर जबराले गरेको वार्ताको आहृवान न्यायको विचलन र भ्रष्टाचार लुकाउन गरिएको दुष्प्रचार मात्र भएको बताएको छ । पूर्व न्यायाधीश फोरमले सोमबार पत्रकार सम्मेलन गरी जबराले तत्काल राजीनामा दिनुपर्ने बताएको छ ।
फोरमका अध्यक्ष पूर्व न्यायाधीश टोपबहादुर सिंहले प्रधानन्यायाधीशको वक्तव्यमा आफ्ै सहमकर्मीबारे समेत नबोलिएको बताए । उनले अघि भने, ‘सम्पूर्ण न्यायपालिका मै हुँ भन्ने अहम देखिएको छ, यसले निकास दिन सक्दैछ ।’
अध्यक्ष सिंहले न्यायपालिका सुधारका लागि प्रधानन्यायाधीशको नियुक्तिदेखि अन्य विषयमा संविधान संशोधन गर्नुपर्ने बताए । उनले न्यायीक स्वतन्त्रता र मुद्दाको सुनुवाइको वातावरण हुनुपर्ने भन्दै प्रधानन्यायाधीश राणाबाट न्यायपालिका जोगाउनुपर्ने बताए।
