३० कात्तिक, लमजुङ्ग ।
बौद्ध धर्म मान्नेहरुलाई हिन्दू भनेर लेख्ने एक गणक पक्राउ परेकी छन् । सोमबार राष्ट्रिय जनगणनाका लागि खटिएकी गणक विना थापा पक्राउ परेकी हुन् ।
धर्मको महलमा स्थानीयहरूले बौद्ध भन्दाभन्दै गणक थापाले हिन्दू लेखेपछि स्थानीयले नै नियन्त्रणमा लिएर गणक थापालाई सिडिओ कार्यालय पुर्याएका थिए ।
स्थानीय, जनप्रतिनिधि र विभिन्न राजनीतिक दलहरुबीचको छलफलपछि गणक थापालाई छाडिएको जिल्ला प्रशासन कार्यालय लमजुङ्गका सूचना अधिकारी जगदिश मिश्रले जानकारी दिए ।
उनका अनुसार गणक थापाले भुलवस गल्ति भएको स्वीकार गरेकी छन् भने अब यस्ता गल्ती नदोहोरिने प्रतिबद्धता गरेकी छन् ।
