३० कात्तिक, ईलाम ।
इलामकाे सन्दकपुर गाउँपालिका-१ ,चाँपगैरीका ३० बर्षीय चक्र मुखियाले चक्कु प्रहार गरी आफ्नै दाजुको हत्या गरेका छन् । साेमबार बेलुका राती करिब ७ बजे काका मान बहादुर मुखियाको घरमा मादक पदार्थ सेवनकाे क्रममा सामान्य विवाद हुँदा उनले दाजु ३५ बर्षीय ईच्छा मुखियालाई चक्कु प्रहार गरेका थिए ।
चक्कु प्रहारबाट मुखियाकाे घटनास्थलमानै मृत्यु भएको जिल्ला प्रहरी कार्यालय ईलामले जनाएकाे छ । प्रहरी चौकी बन्दुके र अस्थाई प्रहरी चौकी बिप्लाटेबाट खटिएकाे प्रहरी टोलीले चक्कुसहित चक्र मुखियालाई पक्राउ गरेको र घटना सम्बन्धमा थप अनुसन्धान भइरहेकाे उक्त कार्यालयले जनाएकाे छ ।
