५ मंसिर, दाङ ।
दाङको लमहीमा बस दुर्घटना हुँदा २९ जना यात्रु घाइते भएका छन् । सुर्खेतबाट काठमाडौ जाँदै गरेको कर्णाली प्रदेश ०२-००१ ख ०२१९ नम्बरको बस लमही नगरपालिका वडा नम्बर ३ नारायणपुरमा दुर्घटना भएको हो ।
बसको पट्टा भाचिएपछि अनियन्त्रित भएर बस दुर्घटना हुँदा बसमा सवार २९ जना यात्रु घाइते भएको वडा प्रहरी कार्यालय लमहीले जनाएको छ ।
घाइतेहरूको लमही अस्पतालमा उपचार भइरहेको छ । घाइतेमध्ये ७ जनालाई थप उपचारका लागि बाँके पठाइएको छ ।
