१० मंसिर, चितवन ।
नेकपा एमालेका अध्यक्ष केपी शर्मा ओलीले अब अन्तरिक्षमा नेपालको पनि हिस्सा भएको बताएको छन् ।
शुक्रबार चितवनमा एमालेको दशौँ महाधिवेशन उद्घान सत्रलाई सम्बोधन गरेका अध्यक्ष ओलीले अब अन्तरिक्षमा नेपालको पनि हिस्सा रहेको दाबी गरेका छन् ।
उनले भने, ‘अब अन्तरिक्षमा पनि हाम्रो हिस्सा छ । अन्तरिक्षमा पनि नेपालले आफ्नो दाबी गरेको छ । समुद्रमा पनि हक छ । मलाई खुसी लागेको छ । समुद्रमा स्टिमर (डुंगा)मा यात्रा गरिहनुभएको छ । जलमार्गका सम्बन्धमा भारतसँग सहाकार्य भइरहेको छ ।’
वर्तमान देउवा सरकारप्रति अध्यक्ष ओलीले केही बोल्न चाहेनन् । उनले भने, ‘अहिलेको सरकारका विषयमा केही भन्न चाहन्न । प्रमुख अतिथी बनाएर उहाँको आलोचना गर्न चाहन्न ।’
उनले संविधान संशोधन गर्ने संकेतसमेत दिए। उनले नेपाली जनताले बनाएको संविधान आवश्यकताअनुसार संसोधन हुने बताए। उनले आफ्नो पार्टी अब चुनावमा केन्द्रीत हुने बताए।
