१६ पौष, मोरङ । मोरङको बिराटनगरबाट प्रतिबन्धित लागुऔषध खैरोहिरोईनसहित दुई जना पक्राउ परेका छन् । मोरङको बिराटनगर–१४ स्थितबाट खैरो हिरोईन सहित २ जना पक्राउ परेका हुन् ।
पक्राउ पर्नेमा सुनसरी इटहरी उप–महानगरपालिका–९ का २२ बर्षिय निसान चौधरी र इटहरी–१२ का २८ बर्षिय दिवश तामाङ रहेका छन्।
हिजो राती ९ बजे सि.आर.भि. जतुवाबाट खटिएको प्रहरी टोलीले प्रदेश १–०२–०४६ प ११८७ नम्वरको मोटरसाईकल चेक जाँच गर्ने क्रममा मोटर साईकल पछाडि सवार रहेका निसान चौधरीले ज्याकेटको गोजीमा लुकाई राखेको अवस्थामा ३ ग्राम ७ मिलिग्राम खैरो हिरोईन फेला परेको हो ।
खैरो हिरोईन फेला परे सगै मोटर साईकल चलाक दिवश तामाङ सहित दुवै जनालाई पक्राउ गरी इलाका प्रहरी कार्यालय रानीबाट थप अनुसन्धान भईरहेको छ ।
