२६ पौष, विराटनगर । रोटरी क्लब अफ बिराटनगरले स्थापनाकालदेखि नै विभिन्न सामाजिक कार्यहरु गर्दै आइरहेको छ । युवाहरुको आवद्धता भएको क्लबले प्राय जसो युवा मैत्री कार्यक्रमहरु संचालन गर्दै आइरहेको छ । ३ वर्ष देखि सामाजिक कार्यको लागि फन्ड रेजिंग कार्यक्रम अन्तरगत रोटरी क्लब अफ बिराटनगरले साइक्लाथोन गर्दै आइरहेको छ ।
आगामी माघ १ गते उक्त क्लबले विराटनगरमा मैत्रीपूर्ण साइकल रेस प्रतियोगिता गर्दै छ। क्लबले ‘हङ्गर, नो लङ्गर’ को प्रोजक्टलाई सहयोग पु¥याउन माघे संक्रान्तिको अवसर पारेर साइक्लोथन ३.० को आयोजना गर्ने भएको हो ।
प्रतियोगिताको सुरुवात विराटनगरको आर्दश विद्यालयबाट बिहान साढे ६ बजे हुने आयोजकले जनाएको छ। प्रतियोगितामा सुनसरीको इटहरी, धरान र झापाको बिर्तामोड सहित प्रदेश नं. १ को विभिन्न ठाउँहरुबाट २ सय बढी प्रतियोगीहरुले सहभागिता जनाउने आयोजक संस्थाकी अध्यक्ष जयश्री जाजुले जानकारी दिइन । प्रतियोगितामा काठमाडौंको त्रिभुवन आर्मी क्लबको समेत सहभागिता रहने छ।
आर्दश विद्यालयबाट सुरु हुने साइक्लोथन ३.० मैत्रीपूर्ण साइकल र्यालीका प्रतियोगीहरुले विराटनगरका विभिन्न भागमा पुग्दै कुल १६ किलोमिटरको दूरी तय गर्नुपर्नेछ ।
विराटनगरको विभिन्न भाग परिक्रमा गर्दै पुनः आर्दश स्कुल परिसरमै आएर सम्पन्न हुने र्यालीका प्रतियोगीहरुका लागि आयोजकले प्रमाण–पत्र, मेडल, इभेन्ट ज्याकेट, क्याप र फुड बक्सको व्यवस्था गरेको छ ।
लक्ष्मी बैंकको मुख्य प्रायोजनमा हुने उक्त साइक्लोथन भर्जन ३.० प्रतियोगितामा स्वास्थ्य सुरक्षाका मापदण्डहरु कडाईका साथ पालना गर्दै प्रतियोगीहरुको स्वास्थ्य चेकजाँचपछि मात्र उनीहरुलाई र्यालीमा सहभागी गराइने आयोजकले जनाएको छ ।
प्रतियोगीहरुको स्वास्थ्य परीक्षणका लागि आयोजक क्लबले विराटनगरको गोल्डेन अस्पतालसँग सहकार्य गरेको छ । कार्यक्रमस्थलमा रक्तचाप र मधुमेह चेकजाँचका लागि अस्पतालको छुट्टै स्टल समेत रहने जनाईएको छ ।
रोटरी क्लब अफ विराटनगर फ्युजनले यसअघि पनि दुईपटक ‘पेडल फर एजुकेशन’ को लक्ष्य सहित साइक्लोथन–मैत्रीपूर्ण साइकल र्याली प्रतियोगिताको आयोजना गरिसकेको छ । क्लबले हरेक वर्ष आफ्नो सामाजिक उत्तरदायित्व कार्यक्रम अन्तर्गत विभिन्न व्यक्ति तथा संस्थालाई सहयोग गर्न प्रतियोगिताको आयोजना गर्दै आएको छ ।
यसअघि दुईपटक आयोजित प्रतियोगिताबाट संकलित रकमबाट संस्थाले विराटनगरको लखन्तरीस्थित श्री वेगनलाल विद्यालयलाई आवश्यक सहयोग गरेको छ । यसपटक आयोजित प्रतियोगिताबाट क्लबको ‘हङ्गर, नो लङ्गर’ को प्रोजेक्टलाई सहयोग पु¥याउने लक्ष्य रहेको क्लबको जनाएको छ ।
साइक्लककथन बारे ५ जिज्ञासा ?
१. के हो साइक्लोथोन ?
– साइक्लोथोन अर्थात साइकल र्याली , यो एउटा यस्तो प्रतियोगिता हो जसले साइकल , मानव स्वास्थ्य र वातावरणको महत्वलाई बुझाउँछ। यस प्रतियोगितामा मानिसहरुले साइकल र्यालीमा भाग लिन सक्दछन। यस प्रतियोगितामा संकलित रकमले यस क्लबले गरिरहेको सामाजिक कार्य प्रोजेक्ट “हंगर नो लंगर “ अन्तर्गत बिभिन्न बिपन्न वर्गका व्यक्तिहरुका लागि निशुल्क भोजन गराउँदछ ।्
२. कस—कसले सहभागी जनाउन पाउँछन् ?
– सबैले सहभागिता जनाउन पाउँदछन।
३. साइकल आफै ल्याउनु पर्ने हो ?
– हो , यस प्रतियोगितामा सहभागी हुन् प्रतियोगी आफैले आफ्नो साइकल ल्याउनुपर्ने हुन्छ।
४. मैले कसरी सहभागी जनाउने ? शुल्क कति हो ?
– सहभागिता जनाउन बिराटनगरस्थित आगन रेस्टुरेन्टबाट पनि रजिस्टर गर्न सकिन्छ वा ९८१९३९०९७२ र ९८५२०२३०९६ नम्बरमा सम्पर्क गरेर अनलाइन बुक गर्न सकिन्छ। सहभागिता जनाउन रु एक हजार (१,०००) लाग्ने छ।
५. कसरी बिजेता घोषणा गरिन्छ ? कुन विधामा गरिन्छ ?
– प्रतियोगिता अनुसार पुरुषतर्फको गियर र नन–गियर तथा महिलातर्फको प्रतियोगितामा प्रथम, द्वितीय र तृतीय हुनेहरुका लागि क्रमशः ३० हजार, १५ हजार र १० हजार नगद पुरस्कारको व्यवस्था गरिएको छ। गियर र ननगियर दुवै समुहलाई प्राथमिकतामा राखिने छ।
