२० असार,काठमाण्डौ । प्रधानसेनापति प्रभुराम शर्मा आधा महिना लामो वैदेशिक भ्रमण सकेर आइतबार स्वेदश फर्किएका छन् । यही ४ असारमा लेबनानका लागि उडेका शर्मा अमेरिका पुगेर फर्किएका हुन् । उनले भ्रमणका क्रममा लेबनान, द्वन्द्वग्रस्त सिरिया र अमेरिकाको भ्रमण गरेका छन् ।भ्रमणका क्रममा उनले ती देशहरूमा रहेका नेपाली सेनाको युनिटको अवलोकन गरेका थिए । संयुक्त राष्ट्रसंघीय शान्ति मिसनका लागि खटिएको नेपाली सेनाको युनिटमा पुगेर प्रधानसेनापति शर्माले नेपाली फौजको मनोबल बढाएको सेनाले जनाएको छ ।अमेरिकामा रहँदा प्रधानसेनापति शर्माले संयुक्त राष्ट्रसंघ मुख्यालयको भ्रमण पनि गरेका थिए ।
